Candy Feels

Candy Reader Poetry: Sana Sa Huling Pahina

Mabago man ang ikot ng mundo, ako'y babalik at babalik pa rin sa'yo.
PHOTO Media Quest

Heto na naman tayo sa umpisa ng kuwento.
Nanditong muli sa alanganing ayaw at gusto.
Sa istoryang unang natapos sa "Halos Tayo",
Sa pagitan ng Hindi at Oo, Ikaw at Ako.

Heto tayong muling magtatagpo sa umpisa,
Susubuking marating ang 'di naabot noong una.
Sa kabanatang ito, ngalan mo'y muling imamarka,
Ang wangis mo'y muling iguguhit sa'king gunita.

Muling susubukin ang landas na walang hanggan,
Na kahit alangan, pipilitin muling lumaban.
Isusulat muli ang kuwento mo at kuwento ko,
Aasa't magbabakasakaling mabago ang dulo.

Dahil oo, alam ko, at sigurado ako.
Na kahit hanggang sa huling segundo,
O kahit sa huling pahina ng kuwentong ito,
Ikaw at ako ay 'di lang basta pinagtagpo.

Mabago man ang ikot ng mundo
Ako'y babalik at babalik pa rin sa'yo.
Ikaw ang pinakamahalagang tauhan ng aking kuwento,
Ikaw ang para sa'kin bukod tanging simula at dulo.

Na kahit ano pa man ang kahinatnan
Nitong kuwento nating alangan,
Saan man ang ating mapuntahan,
Ikaw at ikaw pa rin ang tanging babalikan.

Marating man natin ang sukdulan,
Matapos man ang kuwentong sa ati'y inilaan...
Puso ko'y ikaw ang tinuring na tahanan,
'Di kaliligtaan hanggang sa hangganan.

Sana sa huling pahina ng kuwentong ito,
Ang kuwento tungkol sa akin at sa'yo,
Ipabatid man ng tadhanang para sayo'y hindi ako...
Kailanma'y di mo kaliligtaan itong ating kuwento.

your REACTION
BOO

0

CUTE

0

EWW

0

HEART

0

OMG

0

YAY

0

/////////////////////////////
COMMENTS. JOIN THE DISCUSSION BELOW!
VIEW more ARTICLES ABOUT
Comments
latest on CandyMag.com
 
x
Share
How to be good to your skin AND your beauty routine!
 
x
Share
 
x
Share
Before the season 2 premiere of Stranger Things, we got to hang with some of the old gang and a pair of brand new strangers making their debut soon. Read all about it here!
 
x
Share
Score great hair from Monday to Friday next week.
 
x
Share
Hindi sa lahat ng oras matapang ako.
LOAD MORE ARTICLES
your REACTION
Pick a sticker to view stories by reaction!
/////////////////////////////
Cutiepedia
CONNECT WITH US