Candy Feels

Candy Reader Poetry: Habang Wala Pa Sila

Alam kong wala nang tayo ngunit, mahal, habang wala pa sila, ako na lang ulit.
PHOTO Viva Films ART Clare Magno

This is a poem inspired by Juan Miguel Severo's works.

Habang wala pa sila, mag-usap tayo.
Hindi na natin kailangan magkunwari pa, magpanggap.
Magpanggap na tila hindi tayo magkakilala.
Habang wala pa sila, hayaan mo akong sabihin
Ang mga salitang gustong gusto na kumawala,
Gustong gusto nang umamin.
Tama na. Hindi na natin kailangan pang hindi na magpansinan.
Alam na natin sa isa't isa ang bawat pasikot-sikot
ng ating mga katawan at bawat sikretong ikinikimkim natin.
Nahukay na natin ang ating kwento
lalo na ang mga pagkukulang natin
Mahal, pakinggan mo ako, habang wala pa sila.
(Mahal parin kita.)

Habang wala pa sila, tumingin ka sa aking mga mata
Baka sakaling makita mo,
At nang hindi ko na sayangin pa ang aking laway.
Mahal, hayaan mo akong pagmasdan ang mga
bituwin sa 'yong mga mata,
Mga matang napakaganda.
Siyang tahanan ng mga bituwing hindi kayang
magtago ng mga kasinungalingan.
Mga bituwing nagsabi sa akin ng iyong pagmamahal.
Naaalala mo pa ba?
Ang mga titig natin sa isa't isa? Kung paano
maglandian ang ating mga tingin.
Kung paano natin nakita ang koneksyon
Mahal, tignan mo ako sa mata, habang wala pa sila.
(Mahal mo pa ba ako?)

Habang wala pa sila, hawakan mo ang aking mga kamay,
Mga kamay na humaplos sa 'yong mga pisngi,
pinupunasan ang mga luhang pumapatak.
Tayo'y maglakbay muli
Sa mga lugar na siyang napuntahan na natin,
Mga lugar na iniwanan natin ng ating mga alaala,
Mga lugar kung saan narinig ang ating mga tawa,
Mga lugar na nakakita ng ating kasiyahan,
Mga lugar na tintado ng ating pagsasama.
Mahal, kumapit ka sa akin.
At tayo'y maglakbay.
Puntahan natin ang mga lugar na hindi napuntahan
Dahil sa wala ng oras, kulang na ang pagmamahal.
Ipaalala natin sa mundo kung gaano
Kaganda ang ating pagmamahalan.
Ipakita ang mga ngiting kay tamis.
Mga matang busilak ng tunay na pagmamahalan.
Mahal, hawakan mong muli ang aking kamay, habang wala pa sila.
(Pwede pa ba?)

ADVERTISEMENT - CONTINUE READING BELOW

Habang wala pa sila, hayaan mo ang aking mga braso
na salubungin kang muli.
Hayaan mo akong yakapin ka sa huling pagkakataon.
Hindi na ako hihingi ng halik,
ngunit hiling kong yakapin ka
At ipaalala sa iyong ika'y karapat dapat mahalin ng lubusan
Ika'y dapat mahalin ng walang pag-aalinlangan.
Walang pangamba, pagdududa.
Hayaan mong iparamdam ko ito sayo gamit ang aking yakap.
Hayaan mong punan ko ang aking pagkukulang.
Alam kong huli na ang lahat.
Huli na ang yakap na ito,
Ang yakap na matagal mo nang hinihintay sa akin.
Mahal, patawad. Hindi kita naalagaan
Nakalimutan kong mas nangangailangan ka ng aking mga yakap.
Mahal, patawad.
Pawad. Patawarin mo akong muli.
Dahil hindi ko mapatawad ang aking sarili.
Lalo na't hinayaan kitang mawala.

Mahal, kinakausap ko ang Diyos.
Kinamusta kita sa Kanya. Ikaw ang siyang aking bukang bibig.
(Mamahalin kita.)

Dumating man sila.
Siya.

your REACTION
BOO

0

CUTE

0

EWW

0

HEART

0

OMG

0

YAY

0

/////////////////////////////
COMMENTS. JOIN THE DISCUSSION BELOW!
Comments
latest on CandyMag.com
 
x
Share
How to be good to your skin AND your beauty routine!
 
x
Share
 
x
Share
Before the season 2 premiere of Stranger Things, we got to hang with some of the old gang and a pair of brand new strangers making their debut soon. Read all about it here!
 
x
Share
Score great hair from Monday to Friday next week.
 
x
Share
Hindi sa lahat ng oras matapang ako.
LOAD MORE ARTICLES
your REACTION
Pick a sticker to view stories by reaction!
/////////////////////////////
CONNECT WITH US