Parang iba yung writing style ko ngayon. Nainspire ako sa swimming namin kahapon.
Happy Birthday kay Papa Ethan!
Revenge 19He’s My Reality“Akala ko ba iniinvite mo lang ako for your birthday? Bakit naging date?"
“C’mon, Alex, pagbigyan mo na ako. Birthday ko naman ngayon, eh. Saka hindi lang naman tayong dalawa ang nandun.”Alam ko birthday ni Ethan ngayon pero hindi ko pa rin maiwasan na awayin siya. Kasi naman no, sabi niya, celebration lang for his birthday and for Christmas. Saan nanggaling ang salitang date doon? At saka napagbigyan ko na siya noon di ba?
“Don’t tell me, for blackmail na naman to?”
“Ano ka ba, nakalimutan ko na yung ginawa mo sa’kin,” sabi ni Ethan na may nakakalokong ngiti sa labi.
I am so not loving that look. Baka mamaya may pinaplanong kung ano tong si Ethan.
“Hey, wala akong balak na masama kung iyan ang iniisip mo. Saka wala nang atrasan. Malapit na tayo eh.”
“May magagawa pa ba ako?”Bakit ganun? Kapag si Ethan ang ka-argue ko, hindi ako makakontra? Napapa-oo ako ng wala sa oras. Para bang ang helpless ko kapag siya ang kaharap ko. Parang ibang Alex ang nasa harap niya. Parang yung totoong Alex. Yung Alex way before the pain. May ibig sabihin kaya yun?
“Sino bang kasama?”
“College friends ko lang. Nandun na sila sa resort. Wala kasi sila Jess dahil nasa Spain sila ngayon. Doon sila kina Mamita magse-celebrate ng Christmas. ”Resort. Hindi ko alam kung paano niya ako napapayag sa isang swimming party. Hindi naman sa takot ako sa tubig. Ayoko lang talaga. Siguro kaya niyo nang hulaan kung bakit. Maraming ayokong alalahanin.
“Matutulog muna ako ha? Napagod ako sa movie marathon namin ni Kuya Pat kagabi. Wag kang magulo. Gisingin mo na lang ako kapag nandun na tayo.”
“Sleep well, princess.”Ano daw? Princezzz… Zzz… Zzz…
Ilang oras na ba akong tulog? Bakit hindi na umaandar yung sasakyan ni Ethan? Dinilat ko yung mga mata ko para masagot yung mga tanong ko. 5:30 na pala ng hapon. Ibig sabihin mga dalawang oras na rin akong nakatulog. Naka-park na rin yung kotse ni Ethan. Pero bakit hindi niya ako ginising?
I looked to my left. I caught Ethan staring at me. Was he watching me sleep? If yes, it’s embarrassing.
“Ethan, how many times will I tell you, staring is rude?”
“How many times will I tell you that it’s not if the one I'm staring at is as gorgeous as you?”
“Wala namang court dito ah? Bakit nambobola ka?”
“Ang corny mo naman, Alex,” sabi niya sabay pisil sa ilong ko.
Aba, may papisil-pisil pa siya sa ilong na nalalaman. Hinampas ko tuloy siya sa balikat. Para fair.
“Nandito na pala tayo. Gano na tayo katagal na nandito? Bakit hindi mo man lang ako ginising?”
“Kanina pa tayo. Mga thirty minutes na siguro. Bakit kita gigisingin? E di nawalan ako ng magandang view?”Hindi ako madalas mag-blush pero pakiramdam ko napunta lahat ng dugo ko sa mukha. Ano bang meron kay Ethan at parang bumabalik ako sa dating ako? Hinihila niya ako pabalik sa reality na matagal ko nang tinatakasan.
Ano bang meron sayo, Ethan Balmaceda?“Ang cute mo, Alex. Nagba-blush pala ang isang heartbreaker.”Pagkasabi niya nun, hinalikan niya ako sa pisngi sabay labas ng kotse niya. Naiwan ako sa loob ng kotse niya ng nakatunganga. Nayanig ang mundo ko sa ginawa niya.
Ano bang ginagawa mo sa’kin, Ethan Balmaceda? Anong gusto mong mangyari.Tulala pa rin ako. Iniisip ko yung ginawa ni Ethan sa’kin. Naputol lang yung pag-iisip ko nang may kumatok sa bintana ko. Binaba ko naman agad yung bintana. Si Ethan lang pala.
“Ano, papakabulok ka na lang ba diyan? Baka naman gusto mo lang halikan kita ulit? This time sa lips naman.” 
“Magtigil ka nga, Ethan! Pasalamat ka, birthday mo ngayon kundi uulit ko yung ginawa ko sa’yo dati.”
“E di thank you!” sabi niya habang binubuksan yung pintuan sa side ko.
“Ewan ko sa’yo. Maghanap ka ng kausap mo.”Bumaba na ako at dumire-diretso sa isa sa mga cottage dun. Wala pang tao. Siyempre, alangan namang mauna pa ang bisita sa celebrant di ba?
“Alex, joke lang naman yun.”Sinundan pala niya ako hanggang sa cottage. Dala-dala na rin niya yung mga gamit namin.
“Alam ko. Di naman ako napikon.”
“Whew. Kala ko nagalit ka eh.”
“Di naman.”Isa pa yan. Kahit gusto kong magalit sa kanya, ewan. Hindi ako magalit-galit sa kanya. May kung ano kay Ethan na hindi ko matanggihan. Kung siya lang siguro ang una kong nakilala, hindi malabong magustuhan ko siya. Kaya lang, sorry na lang siya. Wala na sa bokabularyo ko ang pag-ibig.
“O, matulog ka muna ulit dyan. Gigisingin na lang kita kapag nandito na sila.”
“Sige, medyo inaantok pa nga ako.”
“Sweet dreams, Alex.”Pagkahiga ko, bagsak agad mata ko. Pagod na pagod talaga ako.
Zzz… Zzz… Zzz…
May naramdaman akong mahinang pagtapik sa balikat ko. Dumilat ako para makita kung sino. Si Ethan pala. Oo nga pala, may party. Tumayo na ako at dumiretso papasok ng CR sa loob ng cottage na tinulugan ko. Inayos ko ang sarili ko. Paglabas ko, nandun pa rin si Ethan, naghihintay.
“Tapos ka na?”Tumango na lang ako. Nilahad niya yung kamay niya sa’kin na tinanggap ko naman kaagad. Sa unang pagkakataon sa apat na taon, naglakad ako nang may ka-holding hands na maluwag sa loob ko, walang alinlangan, hindi dahil sa trabaho.
“Gising na pala ang first lady mo, Ethan.”
“Aba, marunong kang pumili! Ang ganda niya! Mas maganda pa kay Hana.”
“Wag nga kayong magulo. Mamaya magwala tong si Alex sa sinasabi niyo.”
“Loko ka! Anong akala mo sa’kin baliw?”Hinampas ko sa balikat si Ethan. Kanina pa niya ako niloloko ha. Nagtawanan naman yung mga kasama namin. Kahit papano mag-eenjoy din siguro ako dito.
“Tara kain na tayo.”
“Alright! Happy birthday, E.”
“Thanks, man.”Oo nga pala, hindi ko pa nababati si Ethan. Kanina ko pa siya kasama pero ni hindi ko man lang siya binabati. Hindi naman ako ganun ka-rude. Mabait naman sa’kin si Ethan kaya dapat ko siyang batiin.
“Ethan.”
“O?” sabi niya pero hindi niya ako tinitignan. Kumukuha kasi siya ng pagkain namin. Oo, pagkain namin kasi siya ang nag-insist na maghati na lang kami. Ewan ko bakit hindi ako tumanggi.
“Happy Birthday,” sabay kiss sa pisngi niya.
Okay, pretend na hindi ko ginawa yun. Naglakad ako palayo at dun ako sa may kubo napadpad. Dun ako umupo at hinintay na mag-react si Ethan. Nakatayo pa rin kasi siya dun. Nagyelo na yata dun.
Ano ba talagang meron dito sa Ethan na ito at nagagawa ko ang mga bagay na hindi ko naman ginagawa dati? Ginayuma ba ako nito para maging dating Alex ulit ako kapag kaharap ko siya?
“ETHAN! TATAYO KA NA LANG BA DYAN?”
Pagkasigaw ko, nun lang siya natauhan. Naglakad na siya palapit sa kubo. Para siyang ewan kasi may isang napakalaking ngiti sa mukha niya. Tuwang-tuwa yata sa ginawa ko.
“Bakit ganyan ka makangiti?”
“Chansing ka. May pa-kiss kiss ka pang nalalaman.”
“Gusto mo naman.”
“Pwede isa pa?”Hinilamos ko yung kamay ko sa mukha niya. Kulit talaga nitong lalaking to.
“Kiss mo mukha mo.”
“Kumain ka na nga lang. Gutom ka lang yata eh.”Hindi ko inaasahan yung sunod na ginawa niya. Kumuha siya ng isang slice ng pizza dun sa plato tas nilapit yun sa bibig ko.
“Kain ka na.”
“Uh… Ano yan?”
“Pizza. Ayaw mo?”
“Alam ko pizza yan pero bakit nasa tapat ko yan?”
“Susubuan kita.”
“Kaya kong kumain mag-isa.”
“Alam ko pero gusto kong gawin to.”Sinubukan kong ilayo yung kamay niyang may hawak nung pizza kaso bumabalik lang ulit yun sa tapat ng bibig ko. Kaya ang ginawa ko hinawakan ko siya sa may pulso tapos kumagat ako ng malaki dun sa pizza. Hindi ko binitawan yung kamay tas hindi ko rin tinanggal yung pizza sa bibig ko. Pinandilatan niya ako ng mata nang dahil dun. Kung wala lang sigurong laman yung bibig ko, tatawa ako ng sobra. Para kasi siyang bata nung pinandilatan niya ako eh.
“Pakipot pa kasi. Kakainin din naman.”
“Babae ako. May karapatan akong magpakipot.”
“Yeah, yeah.”Buti na lang nakaraos kami sa pagkain namin. Ang kulit pala namin kapag pinagsama kami. Nagsusubuan ng pagkain pero pareho namang pakipot. Aaminin ko, nag-eenjoy akong kasama si Ethan. Nakakalimutan ko yung mga nangyari sa’kin noon.
Bandang 11PM nang matapos kaming kumain. Ang tagal no? Pahirapan kasi kami sa pagkain tas ang dami pa naming kinain. Lahat yata ng pagkain na hinanda nila, sinubukan namin. Kaming dalawa na lang din pala yung magkasama ngayon. Nagsialisan na yung mga bisita ni Ethan kasi sa kanya-kanyang pamilya nila sila magse-celebrate ng Christmas.
Nagpalit na ako ng swimming attire. Sayang ang pool kung hindi magagamit. Dapat sulitin ang bayad dito sa venue.
Umupo ako dun sa may gilid at nilublob yung paa ko sa tubig. Ang lamig ng tubig. Talagang naeenganyo akong lumangoy. Matagal-tagal na rin mula nang huli akong magswimming.
After ten minutes, nakita kong nagbihis na rin si Ethan. Napanganga naman ako nang makita siya. Grabe, ang abs niya, ang sexy niya. Alam ko, alam ko, hindi ito ang kilala niyong Alex. Ang kilala niyo ay yung matapang, mataray, walang sinasanto. Pero gaya nga sabi ko sa inyo, pagdating kay Ethan, bumabagsak lahat ng defenses ko.
“Tulala ka sa abs ko no?” Naupo siya sa tabi ko.
“Kapal mo. Nakita ko na yan. Pati yung di dapat makita.”
“Ang naughty mo,” sabi niya sabay pisil sa pisngi ko.
“Alam ko naman yun.”Tumayo na ako at nagsimulang maglakad palayo. Pero mukhang wala siyang balak na tantanan ako dahil tumayo na rin siya at sinundan ako. Binilisan ko ang lakad kaya binilisan na rin niya ang lakad niya. Nung tumakbo ako, tumakbo na rin siya. Naging playground tuloy yung gilid ng swimming. Naghabulan kami dun hanggang sa maabutan niya ako.
“Huli ka!” Niyakap niya ako mula sa likuran. Pinilit kong makawala kaso wala, masyado siyang malakas. Hindi na lang ako nagpumiglas dahil ako lang ang mapapagod.
“Tara, swimming na tayo.”
“Ayoko pa!”
“Nag-two piece ka pa kung hindi mo rin naman pala gagamitin.”Nakayakap pa rin siya sa’kin. Kaya naman nung tumalon siya sa pool kasama ako. Pag-angat ng ulo ko, kumapit kaagad ako kay Ethan kasi hindi ko na abot yung sahig ng pool.
“Twelve na pala. Merry Christmas, Alex.”
“Merry Christmas, too, Ethan.”
“I totally enjoyed my birthday. Salamat sa pagsama, Alex.”
“Glad to make you happy, Ethan. Hindi ko alam kung anong meron sayo pero ibang-iba ako ngayon.”
“Baka naman kasi you like me.”
“Kapal mo ha. Ang dami mong yabang sa katawan.”
“Pero hindi yabang kapag sinabi ko sa’yong I like you.”Pagkasabi niya nun, lahat nag-blur. Napapikit na lang ako dahil sa kakaibang sensation na gawa niya. Gawa ng lips niya.
He was kissing me. Soft and sweet. On the pool. During Christmas. Ito na ba ang pinakamagandang regalong matatanggap ko ngayong Pasko? Si Ethan na ba?
Siya na kaya? 
Poll
