Update for Valentine's Day (02/14/2010)
I know it's late...pero ito sana 'yung update ko kahapon kung hindi lang ako busy...hehe...
Belated Happy Valentine's!!!
SC 6: MAKE IT GOOD
Umuwi ako ng bahay. Nagpakasaya na lang ako sa balitang pumasa ako sa entrance exam. Pero hindi rin mawala sa isip ko 'yung lalaking kamukha ni Leigh na si Marqo. Kunsabagay may tao talagang may kamukha. At sa lahat naman kasi ng kamukha e si Leigh pa.
"Red, ano bang ibig sabihin ng 'probationary'?""Ibig sabihin n'yan, kailangan mong galingan sa mga subjects mo. Kahit nakapasa ka sa entrance exam hindi umabot 'yung score mo sa average. Nasa below average 'yung score mo. Kaya kailangan wala kang bagsak."Isa lang pala ako sa mga 'pinagbigyan dahil sa awa'. Pero okay na rin 'yun, at least hindi na ako mamomroblema sa papasukan ko. Tama, gagalingan ko na lang!
Nakabalik na rin si Dennisse mula sa Zambales. May mga dala nga silang pasalubong sa 'min e. Nakuha na rin n'ya 'yung result ng exam na pinadala sa bahay nila. Pasado rin naman s'ya pero hindi tulad ko na 'probationary'.
Hindi na ulit nag-krus ang landas namin ni Marqo aka kamukha ni Leigh. Si Sundae naman nakikita ko kapag pumupunta ako sa mall. Hindi naman ako nangangahas na lapitan s'ya sa Zagu stand do'n. Hindi naman kasi kami close no'n. Kahit nung enrollment hindi ko na nakita 'yung si Marqo, siguro dahil wala na s'yang dahilan para bumalik maliban sa school dahil nakapag-enroll na s'ya at gano'n din naman si Sundae. Kahit nung um-attend kami ng orientation, hindi ko sila nakita.
Dumating ang araw ng birthday ko, masaya naman ako. 'Di tulad nung nakaraang taon, kasama ko sila Mommy at Jake. Naghanda kami sa bahay. Dumating din si Dennisse, Red at Tita Annie. 'yung iba kong classmate nagsipunta rin. Napag-alaman ko rin na 'yung iba naming classmate e dun din daw papasok sa school na papasukan namin nila Red. Mga ilan lang naman. 'Yung iba kasi sa Manila na naghanap.
*******************************
Puyat ang naging dahilan para ma-late ako nung first day of school sa college. Hindi ko malaman kung bakit sa daming araw nung bakasyon e nung mismong bago pa mag-first ako napuyat. Kinabahan kasi ako dahil pakiramdam ko ibang-iba na ang environment. Naghanap pa ako ng matinong isusuot ko. Tapos nung umaga e hinanap ko pa 'yung kwintas ko dahil na-misplace ko. Mabuti na lang at hindi pa kami mag-uuniform. Pwede daw na mag-civilian muna. Mabuti na lang din at hindi terror ang teacher sa unang klase.
Hindi kami classmates ni Dennisse. Kahit pareho kami ng course, sa ibang section ako napunta. Si Red naman, iba ang course. Ayos lang naman. New environment, new friends...sana lang walang new enemies.
"Miss next time, agahan mo ang pasok ha. Dahil sa susunod may mga lessons na tayo at baka ma-miss mo."Pumasok na ako at naghanap ng uupuan. Uupo na sana ako dun sa dulo nung mapansin ko na nilagay nung babaeng makakatabi ko 'yung bag n'ya sa uupuan ko. Ayaw magpaupo? Tiningnan ko s'ya. Tinaasan ako ng kilay. Okay, magpigil. Hindi dapat sirain ang araw sa mga katulad n'ya. Marami pa rin namang upuan na bakante.
Nakakita rin ako ng uupuan ko, kaya lang napansin ko nanaman 'yung makakatabi ko. Gano'n din ang ginawa. Pasimple lang ang style at kunwari hindi ako nakita. At 'yung taong makakatabi ko sana e si Leigh este Marqo. Teka, pareho kami ng section at course?! Pero ang sama naman! Oo hindi 'yan si Leigh! Eunice, alisin mo na sa utak mo na s'ya si Leigh. Hindi gagawin ni Leigh sa 'yo 'yan. Okay, next seat.
Nakakita ulit ako ng uupuan. Dun na sa likuran. Mabuti na 'to. Walang katabi. Peaceful!
"Uhmm...Miss Late, ano bang idea mo sa subject na 'to?"Hindi naman ako nagmagaling at umamin ako na...
"Actually Mam, wala po akong idea kung anong subject ito."Nagtawanan naman 'yung iba. At may narinig akong hindi kaaya-aya sa pandinig.
"Ang bobo naman..." malakas ang pandinig ko e, kaya kahit pabulong ang pagkakasabi e narinig ko.
Teka, kilala ko 'yun ha. S'ya 'yung babaeng tumawa sa 'kin nung kinuha ko 'yung result ng exam. Mayabang na 'yun. At least inamin ko na wala akong idea.
Isa't kalahating oras ang itinagal ng isinumpang subject. Umalis na rin ang teacher. Naku, block subject nga pala kami. Sabi ni Red 'pag block subject daw, 'yung mga classmate mo sa isang subject, maaaring classmate mo sa lahat.
May mga ibang student na pumasok sa loob. Classmate ko rin ba sila? Tinanong nga 'yung pangalan ko e. Sinagot ko rin naman, tapos sinabi rin nila 'yung kanila. Kaya lang hindi ko matandaan 'yung iba. Ang natatandaan ko lang sa loob ng classroom e si Marqo.
"Aba, pareho pala tayo ng course." may nagsalita naman sa likuran ko.
"Sundae? Dito rin section mo?""Oo, 1HM3 'to, 'di ba? Tapos 'yung unang subject e Principles of Tourism, tama ba? At Xandreii ang pangalan ko, hindi Sundae.""Oo, e bakit 'di ka pumasok sa first subject?""Late ako e."E late nga rin ako, pero pumasok pa rin ako.
"Paupo ha." umupo s'ya dun sa tabi ko.
"Sa'n ka nga pala nag-graduate?" natanong ko lang bilang panimula ng conversation sa isang seatmate.
"Hindi ako nag-graduate. Nag-acceleration Exam lang ako. Hindi naman kasi ako nag-highschool e."Kakaiba naman 'tong taong 'to. Hindi man lang s'ya nakaranas ng Graduation?
"Hi, I'm Rina. Anong name mo?" lumapit naman 'yung babaeng kanina lang e tinataasan ako ng kilay. Nakikipagkilala s'ya sa 'kin?
"Eunice..." pag-aalangan ko namang sagot dahil hindi ko malaman kung anong gusto n'ya.
"Teka, you're that weird garbage bin girl. 'Yung nagsisigaw sa registrar's office."Medyo malakas ang pagkakasabi n'ya, kaya parang na-curious 'yung mga classmate. Isa na dun si Marqo na napatingin saglit sa direksyon ko pero umiwas din pagkatapos. Iniiwasan n'ya ba ako? Teka nga, ano 'yung sinabi nitong babaeng 'to kanina? Garbage Bin Girl? More of like a basurera ang dating ng sinasabi n'ya ah. Dapat ko bang patulan 'to, nakakarami na e.
"Okay, so classmates pala tayo. Nice to meet you." halata ko naman na kabaliktaran 'yung sinasabi n'ya. Ano bang gusto nitong mangyari? Wala naman akong ginagawa sa kanya.
Mabuti na lang at wala na akong narinig sa babaeng 'yun. Lumapit na kasi s'ya sa iba naming classmates at akala mo kung sinong Ms. Congeniality na nakipagkilala sa kanila.
"Garbage Bin Girl? Ano naman 'yun? At nagsisigaw ka sa Registrar's Office?"Tiningnan ko lang s'ya. Hindi naman ako kailangan mag-explain sa kanya. Mas kailangan ko yata mag-explain dun kay Marqo. Alam ko wala na akong pakialam sa iniisip n'ya dahil wala namang kung anong connection sa 'min. Pero he thinks I'm weird at unfair 'yun para sa 'kin.
"Hey Eunice, bakit ka nakatingin dun sa lalaki sa harapan?""Pa'no mo naman nalaman na s'ya ang tinitingnan ko?""E 'di s'ya nga?""O ano naman sa 'yo kung s'ya nga?""E 'di s'ya nga."Ang kulit naman talaga nitong Sundae na 'to!
"Alam mo, parang nakita ko na 'yang taong 'yan e. Pero hindi ko alam kung saan.""Talaga?" pero hindi naman talaga ako interesado sa sinasabi n'ya dahil nga nakukulitan na ako sa kanya.
"Ah siguro dun sa Zagu, nung nagsa-summer job ako."Kitams, sabi na walang kwenta ang sasabihin nito. Okay, mamaya kakausapin ko 'tong si Marqo. Medyo matagal na kaming naghihintay pero wala pa rin 'yung prof namin. Siguro absent.
Nagsilabas na 'yung iba naming classmate. Nauna ngang lumabas si Sundae e. Kakausapin ko na sana si Marqo, kaya lang bigla naman s'yang lumabas. Parang alam n'ya na lalapitan ko s'ya. Kaya lumabas din agad ako ng room at hinanap ko s'ya pero hindi ko na pala s'ya kailangang hanapin dahil paglabas ko ng room, nakita ko s'ya na may kausap sa cellphone n'ya. Okay, ito na ang pagkakataon mo Eunice, kailangan hindi n'ya isipin na weird ka o kung ano man. Dapat mabago 'yung first impression n'ya sa 'yo.
Ito ang first time ko na mag-aapproach sa isang lalaki ng ganito. Hindi ko alam kung bakit ako apektado sa kung anong iniisip n'ya, basta alam ko dapat mabago 'yun.
"Okay, sige bye."Tapos na s'yang makipag-usap sa cellphone n'ya. Tatawagin ko sana s'ya kaya lang napansin na agad n'ya ako nung mapalingon s'ya sa likuran n'ya. Alam ko na ang gagawin nito, iiwas nanaman s'ya.
"Teka, sandali lang...""Bakit?""Gusto ko lang sanang..." isip ng dahilan. Ano ka ba Eunice? In-approach mo s'ya ng hindi man lang nag-iisip.
"Ano?""Gusto ko sanang, mag-lunch kasama ka."He looked surprised! Kahit ako nasurprise sa sinabi ko. I don't know why I said that. Pero marami na agad akong naimagine na isasagot n'ya that very moment.
"Sorry, I'm busy." sabay alis n'ya.
Hindi! Pumalpak ako. Stupid idea! Dapat hindi 'yun ang sinabi ko. Ngayon, ano nanaman kayang iispin n'ya? Habulin s'ya!
"Teka, hindi 'yun tulad ng iniisip mo. Gusto ko lang sanang mag-explain...""I'm not asking for it. Again, sorry. I'm busy." Tinalikuran n'ya ulit ako. Pero bago s'ya ulit makahakbang, hinawakan ko s'ya sa braso n'ya. This time, tumingin s'ya ulit sa 'kin.
"'Wag mo sanang isipin na weird ako. I have reasons kung bakit napagkamalan kitang si 'Leigh'...""I'm not interested." tapos inalis n'ya 'yung kamay ko sa braso n'ya.
Dumiretso na s'ya sa hagdan. Pilit ko naman s'yang hinabol kaya lang, aksidente akong nadulas na naging dahilan para...
...maitulak ko s'ya.
What happens next?
-Saan naman kaya nakita ni Xandreii si Marqo? Sa Zagu nga kaya?
-Or baka naman hindi si Marqo ang nakita n'ya...could it be Leigh?
-Tsk...tsk...what will happen to Marqo sa next chapter?
-Who is Rina? What's her role?Abangan n'yo na lang sa next update!
Poll
